Шинжлэх ухааны академиас зохион байгуулдаг "Эрдэмтдийн үг" цуврал лекцийн 66-р дугаарт Нийгмийн эрүүл мэндийн үндэсний төвийн Захирал, химийн ухааны доктор, дэд профессор Сүрэнжавын Өнөрсайхан “Нийгмийн эрүүл мэнд тэргүүлэх чиглэл болох нь” сэдвээр Шинжлэх ухааны академийн Их танхимд 2024 оны 7-р сарын 3-ны өдөр лекц уншив.

Монгол улсын их хурлаас энэ оны 1-р сард Нийгмийн эрүүл мэндийн тусламж, үйлчилгээний тухай анхдагч хуулийг батлан гаргаж, 4-р сарын 1-нээс бүх нийтээр мөрдөж эхэлсэн бөгөөд хуулийн хэрэгжилтийг хангах хүрээнд Нийгмийн эрүүл мэндийн үндэсний төв -өөс олон талт мэдээлэл сурталчилгааны арга хэмжээ, сургалт, уулзалтуудыг цувралаар зохион байгуулан тогтмол үйл ажиллагаа явуулж байна.