Үндэсний эрх чөлөө тусгаар тогтнолоо сэргээн мандуулсны 113 жилийн ойд зориулсан “Ерөнхийлөгчийн нэрэмжит цом”-ын төлөөх шилдэг 128 бөхийн уламжлалт барилдаанд зодоглохоор Н.Батсуурь, П.Бүрэнтөгс, О.Хангай, Б.Орхонбаяр нарын 128 бөх бүртгүүлсэн.
Тэгвэл "Үндэсний эрх чөлөө тусгаар тогтнолоо сэргээсний баярын өдөр"-т зориулсан хүчит 128 бөхийн барилдаанд Баянхонгор аймгийн улсын залуу начин Э.Батмагнай түрүүлж, Улсын заан Б.Серик үзүүрлэсэн. Дөрөвт Өвөрхангай аймгийн Төгрөг сумын харьяат, улсын арслан Ц.Бямба-Отгон, Завхан аймгийн Яруу сумын харьяат, улсын заан М.Лхагвагэрэл нар шалгарсан юм.
Улсын залуу начин Э.Батмагнай 2019 онд Баянхонгор аймгийн баяр наадамд 5 давж аймгийн начин цол, 2020 онд Баянхонгор аймгийн баяр наадамд 6 давж, аймгийн заан цол хүртсэн бол 2022 онд Ардын хувьсгалын 100, 101 жилийн их ойн баяр наадамд 5 давж Монгол Улсын начин цол хүртсэн.
