Гадаадын иргэн, харьяатын газар нь Засгийн газрын 2024 оны 96 дугаар тогтоолоор баталсан "Нээлттэй өгөгдлийн жагсаалт"-ын дагуу виз, оршин суух зөвшөөрөл, зөрчил шалган шийдвэрлэлтийн чиглэлээр 11 төрлийн мэдээллийг нээлттэй өгөгдөл болгон боловсруулж, олон нийтэд ил тод мэдээлж байна.Тодруулбал, Монгол Улсад оршин суух зөвшөөрөлтэй гадаадын иргэдийн тоо, олгосон виз, визийн зөвшөөрөл, оршин суух зөвшөөрлийн тоо, хяналт шалгалт, зөрчил шийдвэрлэлт, албадан гаргасан иргэдийн тоо зэрэг мэдээллийг[U1] “Мэдээлэл хариуцагчаас нээлттэй өгөгдөл бий болгох, нийтлэхэд тавигдах шаардлага, ашиглах нөхцөл журам”-ын дагуу боловсруулж, Гадаадын иргэн, харьяатын газрын immigration.gov.mn цахим хуудас, Нээлттэй өгөгдлийн нэгдсэн портал opendata.gov.mn цахим хуудаст сар бүр тогтмол байршуулж байна.
Уг нээлттэй өгөгдлүүдтэй танилцахад ямар нэгэн бүртгэл, бичиг баримт шаардахгүй бөгөөд иргэн, хуулийн этгээд, эрдэмтэн судлаачид чөлөөтэй ашиглах, судалгаа, шинжилгээ хийх, түгээх боломжтой боломжтой юм.
- Гадаадын иргэн, харьяатын газраас боловсруулсан нээлттэй өгөгдлийг https://opendata.gov.mn/data/2712253 цахим хуудаст хандаж үзнэ үү.
- Байгууллагын үйл ажиллагааны нээлттэй мэдээллийг https://immigration.gov.mn/mn/ хуудаст хандаж үзнэ үү.
НЭЭЛТТЭЙ ӨГӨГДЛИЙН ЖАГСААЛТ
| Гадаадын иргэн, харьяатын газар |
Оршин суух зөвшөөрөлтэй гадаадын иргэний тоон мэдээ /улсаар/ |
Харьяалах улс, оршин суух хэлбэр |
Сар бүр |
| Түр ирэгчээр бүртгэгдсэн гадаадын иргэний тоо |
Олгосон, сунгасан, хассан |
Сар бүр |
|
| Албан болон хувийн хэргээр оршин суух зөвшөөрөлтэй гадаадын иргэний тоон мэдээ |
Харьяалах улс, ангилал |
Сар бүр |
|
| Олгосон виз, зөвшөөрлийн |
Харьяалах улс, ангилал, олгосон бүртгэлийн мэдээлэл |
Сар бүр |
|
| Олгосон виз |
Харьяалах улс, ангилал, олгосон бүртгэлийн мэдээлэл |
Сар бүр |
|
| Олгосон цахим виз |
Харьяалах улс, ангилал, олгосон бүртгэлийн мэдээлэл |
Сар бүр |
|
| Олгосон оршин суух зөвшөөрөл |
Харьяалах улс, ангилал, олгосон бүртгэлийн мэдээлэл |
Сар бүр |
|
| Хугацааг сунгасан оршин суух зөвшөөрөл |
Харьяалах улс, ангилал, сунгасан зөвшөөрөл |
Сар бүр |
|
| Төрийн хяналт шалгалт хийсэн тоо |
Төлөвлөгөөт хяналт шалгалтын тоо, төлөвлөгөөт бус хяналт шалгалтын тоо, шалгалтад хамрагдсан иргэн, аж ахуйн нэгжийн тоо |
Сар бүр |
|
| Зөрчил шалган шийдвэрлэлт |
Торгуулсан гадаадын иргэний тоо, торгуулсан уригч иргэний тоо, торгуулсан уригч аж ахуйн нэгжийн тоо, торгуулсан гадаадын иргэний харьяалах улс, гаргасан зөрчлийн зүйлчлэл |
Сар бүр |
|
| Албадан гаргасан гадаадын иргэний тоон мэдээ |
Албадан гаргасан гадаадын иргэний харьяалах улс, албадан гаргасан үндэслэл |
Сар бүр |
