Нэг юм ойлгодоггүй ээ.Жаахан охин маань ханиад хүрээд эмчид үзүүлж 3 эм бичүүлээд эмийн сан орлоо. Тэгсэн манайд хоёр эм нь л байна.Энэ хоёрыг танд өглөө гэхэд эмчийн бичгийг бид авч үлдэнэ.Тэгэхээр та нэг эмийг авч чадахгүй болох нь ээ. Тиймээс та 3-ланг байгаа эмийн сан олоорой гэж хэлэв.Ингээд 3-н ч эмийн сан орлоо. 3-лаа байдаг эмийн сан ховор юм байна.Хөл гартай би ч яахав эмийн сан хэсээд хайгаад болдог юм байж. Өвдөж байгаа хүүхэд нэг хэцүү, өндөр настай хүнд бол бүр хэцүү юм байна.

Бас нэг юм ойлгодогүй ээ. Хувиараа таксинд явж байгаа иргэдийг торгохыг.Дугаар гардаггүй өдрөө жааханыгаа сургуульд зөөхдөө 3 км газарт такси барьдаг.Өглөөгүүр, ялангуяа өвөл такси компани руу дуудлага өгөх гэхээр танай ойр хавьд такси алга аа гээд олддоггүй. Автобусанд суухаар Ривэр гарден-63 битүү. Дээр үеийнх шиг жаахан хүүхэд настай хүнийг хүндэлдэг сэтгэхүй байхаа больсон учир чихэвч зүүж, утас оролдсон, үүргэвч үүрсэн залууст хамагдаад л орно.Үүргэвч нь жааханы минь яг толгой дээр нь. Тиймээс гэрийн ойролцоох зам дээр зогсч байгаад хувиараа такси эрхэлж буй хүнээр үйлчүүлдэг. Тэр зогссон хувиараа таксинд явж байгаа хүн маань хүүхдээ сургууль, цэцэрлэгт өгөөд ажилдаа явж байгаа нэгэн таардаг. Хүүхдийг нь хараад зогслоо даарчих вий, хичээлээсээ хоцрох вий гэж бодоод гэдэг юм.Ойрхон ойрхон явдаг бага оврын автобустай тэр нь мах аччихсан юм шиг явдаггүй тийм нийтийн тээвэртэй болчихоод зохицуулалт хийгээч.

 Хувиараа такси эрхлэх гэж байгаа бол нэгдээд аж ахуй нэгж байгуул ч гэх шиг.Монголд аж ахуйн нэгж байгуулахад ямар их дарамт байдаг билээ.Аж ахуйн нэгжийн орлогын албан татвар, нийгмийн даатгал татвар гээд их олон татаас улсад төлнө.Өрх гэрээ авч яваад эх орондоо иргэн шиг иргэн нь байя гэхээр түүртээд байх боллоо. Ийм сайхан эх оронд ингэж муухай амьдрах гэж бидний цөөхөн монголчууд.