ОХУ-ын эдийн засгийн өсөлт Украины дайн эхлэхээс өмнөх түвшиндээ хүрээд байна.ОХУ-ын Засгийн газар энэ онд эдийн засаг нь 2.8 хувиар тэлэх төлөвтэй гэж өмнөх төсөөллөө ахиуллаа. Хэдийгээр хоёр жилийн өмнөөс эхэлсэн Украины дайны улмаас барууны орнууд хориг арга хэмжээнүүдийг ихээр авч буй ч ОХУ-ын эдийн засаг өсөлтөө хадгалсан хэвээр байна.

Үүний гол нөлөө нь дотоодын хэрэглэгчдийн сайн зарцуулалт, хөрөнгө оруулалтын эрэлт өндөр байгаа нь нөлөөлнө гэдгийг энэ оны дөрөвдүгээр сард ОХУ-ын Эдийн засгийн сайд мэдэгдэж байлаа. ОХУ-ын Засгийн газар дотоодын бизнесүүдээ хамгаалах чиглэлд ихээхэн хэмжээний хөрөнгө зарцуулж байгаа аж. Үүнтэй холбоотойгоор Олон Улсын Валютын Сан ОХУ-ын 2024 оны эдийн засгийн өсөлтийн төсөөллөө 3.2 хувь болгож ахиулаад байна.Өөрөөр хэлбэл энэ нь ОХУ-ын эдийн засгийн өсөлт дайны өмнөх үеийн буюу 2021 оны өсөлтийн түвшинд эргэн хүрсэн байгаа юм. Хэдий тийм боловч ОХУ-ын хувьд олон улсын таваарын зах зээлд эмзэг байгаа гэдгийг “Bloomberg Economics”-ийн Алекс Исаков ярилцлагадаа онцолж байлаа.

нийтэлсэн: Блүүмбэрг