2024 оны УИХ-ын ээлжит сонгуулийн санал хураалтын үйл ажиллагаа үргэлжилж байна. Ардчилсан Намын дарга Л.Гантөмөр өнөөдөр 12 цагийн орчимд саналаа өгч, ард иргэдийг сонгуульдаа идэвхтэй оролцохыг уриаллаа.
Тэрбээр, Иргэд, тэр дундаа залуучууд сонгуульдаа идэвхтэй оролцож байгааг харах сайхан байна. Орой 22 цагтай уралдан, дараалал үүсгэн санал өгдөг явдал энэ удаад битгий давтагдаасай гэж хүсэж байна.
Залуучууд маань энэ удаагийн сонгууль "санал гээгдэхгүй" тогтолцоогоор явж байгааг ойлгох хэрэгтэй. Өөрөөр хэлбэл хүн бүрийн өгсөн санал парламентад шууд тусгалаа олдог тогтолцоо учраас итгэлтэйгээр ирж саналаа өгөхийг уриалъя.
Энэ сонгуулийн сурталчилгааны хугацаа богинодчихов уу гэж харж байгаа ч бид шинэ залуучуудаа иргэдээ таниулж чадсан, тэднийг дэвшүүлснээр бид алдаагүй гэж хэлмээр байна гэв.
