ӨМНӨГОВЬ АЙМГИЙН ЗАСАГ ДАРГЫН ИВЭЭЛ ДОР ВОЛЕЙБОЛЫН СПОРТЫН МАСТЕР Б.БАТТӨРИЙН НЭРЭМЖИТ АЙМГИЙН АВАРГА ШАЛГАРУУЛАХ ВОЛЕЙБОЛЫН НЭЭЛТТЭЙ ТЭМЦЭЭНИЙГ ЗОХИОН БАЙГУУЛЖ БАЙНА.
Өмнөговь аймгийн волейбол сонирхогчдын тоог нэмэх, волейболын спортыг олон нийтэд сурталчлах зорилготой зохион байгуулж байгаа энэхүү нээлттэй тэмцээнд 30 багийн 500 гаруй тамирчин оролцож байна.
Тус тэмцээний нээлтийн үйл ажиллагаанд Аймгийн ИТХ-ын дарга Н.Энхбат оролцож, нийт тамирчдад баяр хүргэж, амжилт хүслээ. Мөн Өмнөговь аймгийн Баяндалай сумын харьяат Волейболын спортын мастер, Чөлөөт бөхийн ОУХМ Бүдээгийн Баттөрд шилдэг волейболын тамирчдыг бэлтгэж байгаад талархал илэрхийлж, хүндэтгэл үзүүллээ.
Мөн түүний хүү Волейболын спортын мастер, Монгол улсын шигшээ багийн тамирчин “Өмнөговь Шанх транс” багийн ахлагч Баттөрийн Батсуурь Монгол улсын эрэгтэй шигшээ багийг бүрэн бүрэлдэхүүнээр нь нутагтаа урьж, шигшээ багийн үзүүлэх тоглолтоор аавдаа болон нутгийнхандаа бэлэг барилаа.
