Үндэсний шигшээ баг, "Алдар" спорт хороо, "Гэгээн арвай" клубын тамирчин, Монгол Улсын Гавьяат тамирчин Б.Мөнгөнтуул Казахстаны Алмата хотноо болж өнгөрсөн Ази тивийн аварга шалгаруулах XVIII дахь удаагийн тэмцээний эмэгтэй ангилалд хүрэл медаль хүртлээ.

Тэмцээний эмэгтэй ангилалыг чансаагаараа тэргүүлсэн Гавьяат тамирчин Б.Мөнгөнтуул 9 өрөг тоглож 6.5 хожилтой гутгаар байранд бичигдэж, тивийн аварга шалгаруулах тэмцээнээс хүртсэн Монгол Улсын хоёр дахь медалийн эзнээр тодорлоо. 

Их мастер Б.Мөнгөнтуул Ази тивийн аварга шалгаруулах тэмцээнээс хүрэл медаль хүртсэнээр 2023 оны "Дэлхийн цом" тэмцээнд оролцох эрхээ баталгаажуулж байгаа юм.