Боловсролын зээлийн сангаас зээл авсан бүх хүний мэдээллийг тус сангийн цахим хуудсаар дамжуулан ил болгож байна. Ингэснээр 1997 оноос хойш тус сангаас зээл авсан 52698, буцалтгүй тусламж, тэтгэлэг авсан 154662 хүний мэдээлэл ил болсон.
Үүнтэй холбоотойгоор Ерөнхий сайд Л.Оюун-Эрдэний зүгээс нийтэд ил болсон зээлүүдийн эргэн төлөлт, зээлээс чөлөөлөгдөх шалгуураа хангасан эсэх, түүнд ямарваа нэгэн ашиг сонирхлын зөрчил орсон зэргээр шалгах үүргийг БШУЯ болон Боловсролын зээлийн сангийн холбогдох удирдлагуудад өгчээ. Хэрэв тус зээлд нөлөөлсөн байдал байна гэж үзвэл хуулийн дагуу АТГ-аар шалгуулж, нийтэд ил зарлахыг БШУ-ны сайд Л.Энх-Амгаланд даалгасан байна.
