"Болор цом" наадамд бүтээл хүлээн авч эхэлжээ. 40 дэх удаагийн "Болор цом" наадам хаана болох нь одоохондоо тодорхой болоогүй байна.

Монголын Зохиолчдын эвлэлийн удирдах зөвлөл ирэх сарын дундуур хуралдаж, хаана болох нь эцэслэгдэх аж. Ямартай ч танхимын хурлын үеэр Улаанбаатарт хийхээр яригдсан байна. Тодорхой болоод буй зүйл гэвэл: Арваннэгдүгээр сардаа багтаан хийх аж.

Энэ жилийн "Болор цом" яруу найргийн наадамд нэг найрагч хоёр бүтээл өгч болох нь ээ. Ингэхдээ зөвхөн энэ онд бичсэн, ном, сэтгүүлд хэвлэгдээгүй, цахим орчинд нийтлэгдээгүй шүлгээ өгөх нь.

Бүтээлийг МЗЭ-ийн 206 тоотод хүлээн авах бөгөөд MZE.khoroo.@gmail.com хаягаар илгээж болно. Хүлээж авах сүүлийн хугацаа нь арваннэгдүгээр сарын 18.

Бүтээлээ өгч буй тохиолдолд Төрийн банкны 100000138682 дансанд 10,000 төгрөг тушаах ёстой ажээ.