Амазон компаниас зарласан “Амазон-Ирээдүйн инженер” тэтгэлэгт хөтөлбөрт АНУ-ын Арлингтон хотын Washington-Liberty  ахлах сургуульд сурдаг Л.Амина охин тэнцэж 40,000 ам.долларын тэтгэлэг авчээ. Амазон компаниас зарласан тус тэтгэлэгт хөтөлбөрт Арлингтон хотоос ердөө ганцхан хүүхэд шалгарсан нь Л.Амина охин юм. 

Амазон компанийн инженер Л.Амина охины гэрт ирж тэтгэлэгт хөтөлбөрт шалгарсан тухай мэдээг анх дуулгасан байна. Тус тэтгэлэг нь түүнийг ирэх намар Массачусетсийн Технологийн Их Сургуульд компьютерийн шинжлэх ухааны чиглэлээр суралцахад зориулагдана. Мөн Л.Амина Амазон компанид цалинтай дадлага хийж болно. Л.Амина хэзээ нэгэн цагт НАСА-д ажиллана гэсэн мөрөөдөлтэй явдаг бөгөөд арьс өнгө, хэл, соёлоор ялгаварлан гадуурхалын эсрэг, тэгш байдлын төлөөх “Оюутнууд” клубыг үүсгэн байгуулагч юм байна.

Эх сурвалж:

https://www.arlnow.com/2022/04/14/amazon-surprises-local-high-school-student-with-college-scholarship-and-paid-internship /?fbclid=IwAR2pvnmqtwdrzl8o9p_RfJ6M9g5R8N38Ig4w6ezGYq30gLaZSwHdrlBEUUI