Монгол Улсын Гавьяат тамирчин Э.Цэндбаатар өнөөдөр Монголын үндэсний олимпын хороонд албан ёсоор хүсэлт гаргаж буйгаа мэдэгдлээ.
Тэрээр аравдугаар сард болох Дэлхийн аварга шалгаруулах тэмцээнд оролцох хүсэлтэй байгаагаа илэрхийлж, МҮОХ-ны удирдлагуудад хүсэлтээ өөрийн биеэр аваачиж өгөв. Энэ үеэр тэрээр “Энэ удаагийн дэлхийн аваргаар өөрийгөө харуулмаар байна. Миний хувьд сүүлийн боломж ч байж магадгүй. Надад боломж олгооч” хэмээсэн юм.
Э.Цэндбаатар ням гарагт цахим хуудсаараа дамжуулан мэдэгдэл хийх үеэрээ Монголын боксын холбооны шийдвэрийг хүлээн зөвшөөрч, өөрийн бурууг ухамсарлан гаргасан үйлдэлдээ харамсаж буйгаа илэрхийлж байв.
Түүний хүсэлтийг хүлээж авч, ДАШТ-д оролцох боломжийг олгоход туслах хүсэлтэй иргэд гарын үсэг цуглуулах давлагаа өрнүүлж эхэлсэн байна.
