НӨАТ-ын 2021 оны хоёрдугаар улирлын буцаан олголтын урамшууллыг энэ сарын 20-ны дотор олгохоор ажиллаж байгаа талаар  ҮТЕГ-аас мэдээллээ.  Энэ удаа улсын хэмжээнд 1166880 иргэнд 45.4 тэрбум төгрөгийн буцаан олголт өгөхөөр баталгаажуулжээ. 

Энэ оны нэгдүгээр улиралд нийт 1023235 иргэнд 40.6 тэрбум төгрөгийг буцаан олгож байв.

Нэмэгдсэн өртгийн албан татвар(НӨАТ)-ын буцаан олголтыг өнгөрсөн оноос эхлэн улирал бүрд олгодог болсон. Тодруулбал, Тухайн улирлын баримтаа дараа сарынх нь 8-ны өдрийн дотор /I улирлын буцаан олголтыг дөрөвдүгээр сарын 8, II улирлын буцаан олголтыг долдугаар сарын 8, III улирлын буцаан олголтыг аравдугаар сарын 8, IV улирлын буцаан олголтыг нэгдүгээр сарын 8/ ebarimt системд бүртгүүлэн буцаан олголтоо авдаг билээ.