Улсын хэмжээнд 8000 гаруй хүнээс шинжилгээ авахад 2485 хүнээс халдвар илэрч, ковид-19-ийн хүндрэлээр 15 хүн нас барлаа.
Үүнээс 1437 нь Улаанбаатарт, 1048 нь орон нутагт бүртгэгджээ. Системд алдаа гарснаас эдгэрсэн хүний тоо эцсийн байдлаар нэгтгэгдээгүй байна гэж ЭМЯ-наас мэдээлэв.
Аймгуудаас сүүлийн 24 цагт:
- Сэлэнгэ- 123
- Төв- 113
- Дархан-Уул- 97
- Орхон- 95
- Сүхбаатар- 80 хүн халдвар авсан нь батлагдсан бөгөөд эдгээр аймагт халдварын тархалт хамгийн өндөр байна.
Сүүлийн 24 цагт 19422 хүн вакцин хийлгэсэн байна. Долоодугаар сарын 1-ний 11.00 цагийн байдлаар улсын хэмжээнд:
- I тунд- 2021411
- II тунд- 1746187 хүн вакцин хийлгээд байна.
Энэ долоо хоногоос эхлэн 12-15 насныхныг вакцин хамруулж эхэлсэн бөгөөд улсын хэмжээнд энэ насны 205815 хүүхэд байна. Үүнээс 43617 буюу 21.2 хувь нь вакцин хийлгээд байна.
Харин 16-17 насны 84253 улсын хэмжээнд байгаагаас I тунгийн дархлаажуулалтад 39785 буюу 47.2 хувь нь хамрагджээ. 16-17 насныхан вакцины II тунд хамрагдах хугацаа болсон бөгөөд өнөөдрийн байдлаар /2021.07.01/ 425 хүүхэд II тунд хамрагдаад байна.
