Боловсрол, шинжлэх ухаан сайдын “Хичээл, сургалтын үйл ажиллагааг хэвийн горимд шилжүүлэх талаар авах арга хэмжээний тухай” 2020 оны 09 дүгээр сарын 16-ны өдрийн А/63 тушаалын хэрэгжилтийг ханган цэцэрлэгийн сургалт, үйл ажиллагааг онцгой нөхцөлд хэвийн горимоор зохион байгуулах ажлын хүрээнд төрийн өмчийн цэцэрлэгт 2 настай хүүхдийг элсүүлэн суралцуулахаар болсон билээ.

Цэцэрлэгийн “Цахим бүртгэл” 2020 оны 09 дүгээр сарын 18-ны өдрийн 9:00 цагаас 2020 оны 09 дүгээр сарын 21-ний өдрийн 14.00 цаг хүртэлх хугацаанд явагдаж дууссан байгаа. Харин өнөөдөр “Цахим элсэлт”-ийн үйл ажиллагааг 16.00 цагаас цэцэрлэг бүр дээр зохион байгуулах юм. Өөрөөр хэлбэл, 16:00 цагт цэцэрлэгт хамрагдах хүүхдийн нэрс эцэслэн гарна.