Ус цаг уур орчны шинжилгээний газраас мэдээлснээр маргааш төвийн нутгийн зүүн, зүүн зүгийн нутгийн хойд хэсгээр, 28-нд зүүн зүгийн нутгийн зүүн, баруун зүгийн нутгийн баруун хэсгээр, 29-нд баруун болон төвийн нутгаар, 30-нд зарим газраар бороо орно. Салхи 27-нд зарим нутгаар секундэд 12-14 метр, 29-нд нутгийн баруун хагаст, 30-нд зарим газраар түр зуур секундэд 18-20 метр хүрч ширүүсэх юм байна. 29-нд говь болон зүүн зүгийн нутгаар, 30-нд зүүн зүгийн нутаг, говийн нутгийн зүүн хэсгээр өдөртөө халж 29-34 градус, бусад хугацаанд Алтай, Хангай, Хөвсгөлийн уулархаг нутгаар шөнөдөө 3-8 градус, өдөртөө 15-20 градус, говийн бүс нутгаар шөнөдөө 14-19 градус, өдөртөө 26-31 градус байна.