Дорноговь аймгийн Замын-Үүдэд нисэх онгоцны буудал барих ажлын хэсэг албан ёсоор томилогджээ. ИНЕГ-ын Нисэх буудлуудын үйлчилгээний газрын ерөнхий менежер М.Даваажав ажлын хэсгийг ахалж онгоцны буудал барих аэродромын талбай сонгохоор ажилдаа оржээ. Онгоцны буудал барихаар одоогоор 3-4 газар сонгоод байгаа бөгөөд дэд бүтэцтэй ойр байх, өндрийн саад, салхины чиглэл, хилийн зурвасаас хэдэн км хол байх гээд судалгаа хийж эхэлжээ. Газраа сонгосны дараа зураг төсвөө гаргаж, гүйцэтгэгч компанийг сонгон шалгаруулахаар төлөвлөжээ.