“Хурд” хамтлагийнхан өнөөдөр 10.00 цагт Улсын онцгой комиссын дарга Ө.Энхтүвшинтэй уулзаж, коронавирусийн халдвараас сэргийлэх үйл ажиллагаанд сэтгэлийн бэлэг барьж буйгаа мэдэгдэв. 
Улсын онцгой комиссоос олон улсын эмэгтэйчүүдийн эрхийг хамгаалах өдөр, Цэргийн болон Наурызийн баяраар олон нийтийг хамарсан үйл ажиллагаа зохион байгуулахгүй байх шийдвэр гаргасан. Иймд “Хурд” хамтлагийнхан гуравдугаар сарын 8-ны өдөр эмэгтэйчүүдээ баярлуулж, “Буцааж нэхэхгүй хайр” тоглолтоо онлайнаар болон HD Монгол телевизээр шууд дамжуулах болсноо Шадар сайдад дуулгав.
Дэлхий даяар шинэ коронавирусийн тархалтын аюул нүүрлэж, айдастай байгаа энэ үед эмэгтэйчүүддээ баярын бэлэг барьж, онлайн тоглолтоо 09.00-12.00 цагт хийхээр зар түгээж байна.