Хорио цээрийн дэглэмийг сунгасантай холбогдуулан цэцэрлэг болон ерөнхий боловсролын сургуулийн суралцагчдад зориулсан теле хичээлийг үргэлжлүүлэн зохион байгуулахаар болсон.
Гэхдээ ирэх долоо хоногт шинэ хичээл заахгүй юм байна. Тодруулбал, ирэх долоо хоногт буюу 03.03-03.06-ны өдрүүдэд 2020 оны 02 сарын 3-14-ний хооронд заасан 2 долоо хоногийн теле хичээлийг давтан хүргэх юм байна. Энэ хугацаанд суралцагсдад зориулсан шинэ агуулгаар шинэ хичээлийг боловсруулан, теле хэлбэрээр бэлтгэж 03.09-03.20 хүртэлх ажлын өдрүүдэд СӨБ, ЕБС-ийн суралцагчдад зориулсан шинэ хичээлүүдийг тогтсон цагийн хуваарийн дагуу хүргэх нь.
Харин 03.23-03.27 -ны өдрүүдэд өмнөх хичээлүүдээ бататгах хичээлийг хүлээн авч үзэх аж. Тэгэхээр эцэг эх асран хамгаалагч та бүхэн хүүхдэдээ теле хичээл үзэхэд нь туслаарай, ойлгоогүй зүйлийг нь тайлбарлаж өгөөрэй.
Энэ дашрамд сонирхуулахад, 03 дугаар сарын 09-нөөс элэн элсэлтийн ерөнхий шалгалтад бэлдэгчдэд зориулсан теле хичээлийг шинээр бэлтгэн хүргэхээр төлөвлөжээ.
Мөн 03.09-нөөс Насан туршийн боловсролын үндэсний төвөөс эцэг эх асран хамгаалагчдад зориулсан теле сургалтыг “Стар” телевизтэй хамтран зохион байгуулах юм байна.
