Монгол Улсын Засгийн газар, Улсын Онцгой комиссоос цэцэрлэг, сургуулийн болон олон нийтийг хамруулсан үйл ажиллагааг 2020 оны 1 дүгээр сарын 27-ны өдрөөс 2020 оны 3 дугаар сарын 2-ны өдрийг хүртэл түр хугацаагаар зогсоох шийдвэр гаргасан.
Хорио, хөдөлгөөний хязгаарлалт тогтоосонтой холбоотойгоор 2019-2020 оны хичээлийн жилийн хичээл, сургалтын төлөвлөсөн үйл ажиллагаа 20 өдрөөр тасрахад хүрсэн учир өргөн нэвтрүүлгийн 18 телевизийн сувгаар теле хичээл явуулж эхэлсэн билээ.
Гэвч шинэ коронавирусийн халдвар авсан хүмүүсийн тоо нэмэгдэж, нас баралтын тоо өдрөөс өдөрт нэмэгдэж байгаа. Тэгвэл “Цаашид байдал хэвээр үргэлжилбэл 3 дугаар сарын 2-ны өдөр хүртэлх хорио, хөдөлгөөний хязгаарлалтыг дахин сунгаж магадгүй” хэмээн Монгол Улсын Шадар сайд Ө.Энхтүвшин хэллээ.
Ямартай ч гэртээ байгаа хүүхдүүдийг хараа хяналттай байлгаж, ахуйн осол гэмтлээс эцэг эхчүүд анхаарал тавих хэрэгтэйг дахин дахин сануулъя.
