Facebook-ийн хувьцааны үнэ огцом унаснаас болж ерөнхий захирал Марк Цукербергийн хөрөнгө ганц өдрийн дотор 600 сая доллараар багассан тухай Bloomberg агентлаг мэдээлж байна. Өдгөө 28 настай Цукербергийн хөрөнгө өнөөдрийн байдлаар 10,2 тэрбум доллар байгаа юм.   Facebook-ийн хувьцааг IPO хийснээс хойш Цукербергийн хөрөнгө хэзээ ч ийм бага байгаагүй юм байна. 

Facebook 5-р сарын 18-нд хувьцаагаа IPO хийж арилжиж эхэлсэн бөгөөд нэгж хувьцааны үнийг 38 доллараар тогтоож байсан бол өчигдөр хувьцааны үнэ буурч 19,69 доллар хүрчээ. Facebook-ийн хувьцааны үнэ сүүлийн гурван сарын дотор нэлээд унаад байгаа юм. Тухайлбал, Facebook-ийн 133,7 сая хувьцааг эзэмшиж байдаг Дастин Московиц гэхэд л гурван сарын дотор 2,4 тэрбум доллаар, 22 сая хувьцааг эзэмшдэг Кристофер Хьюз 400 сая доллараа алджээ.