Монгол Улсын Ерөнхийлөгчийн ивээл дор жил бүр зохион байгуулагддаг 21 аймгийн аварга шалгаруулах "Үндэсний Цом" тэмцээн өнөөдөр Хөвсгөл аймгийн Мөрөн хотод нээлтээ хийлээ.

Хөвсгөл аймгийн ногоон талбайд болсон нээлтийн үйл ажилаагаанд МХБХ-ны Ерөнхийлөгчийн зөвлөх, “Үндэсний цом 2019” тэмцээний комиссийн дарга Ш.Жаргалсайхан оролцож, баг тамирчдад амжилт хүслээ. Үндэсний Цом тэмцээний 2018 оны аварга Увс аймгийн шигшээ багийн Дасгалжуулагч Т.Пүрэвхүү болон багийн ахлагч О.Ганцоож нар шилжин явах цомоо тэмцээнийг зохион байгуулагчдад гардуулан өгөв.

Эрчим хүчний сайдын зөвлөх , Монгол Улсын манлай уяач , Хөвсгөл аймгийн хөлбөмбөгийн холбооны тэргүүн Т.Болдбаатар, Хөвсгөл аймгийн засаг даргын орлогч Ц.Баттогтох нар тус тус нээлтийн үйл ажиллагаанд оролцлоо.

Дорноговь аймгийн хөлбөмбөгийн холбооны Нарийн бичгийн дарга, Ч.Батзангиа хөдөлмөрийн хүндэт медалиар шагнуулсан тул МХБХ-ны Ерөнхийлөгчийн зөвлөх Ш.Жаргалсайхан түүнд шагналыг нь гардуулан өгсөн юм.

Мөн Монголын БТСГ-ын даргийн тушаалаар олон жил аймаг орон нутагаа төлөөлөн улс бүсийн тэмцээнүүдэд амжилттай тоглож байсан ахмад тамирчин Ч.Түдэнддоржид Хөлбөмбөгийн спортын мастер цолоор шагнуулсан бол Хөлбөмбөгийн спортын дэд мастер цолоор энэхүү тэмцээнд оролцож байгаа Дорнод аймгийн тамирчин болох Б.Бямбадорж, Б.Отгонбаатар нар энгэрээ мялаалаа

Түүнчлэн Дундговь аймгийн ахмад тамирчид болох Ц.Ганболд , М.Балдандорж , Ш.Балжинням нарт Хөвсгөл аймгийн хөлбөмбөгийн холбооны тэргүүн Т.Болдбаатар дурсгалын зүйлийг гардуулан өгөв.