Ардын хувьсгалын түүхэн яруу алдар 98 жилийн ойн Үндэсний их баяр наадмын хүчит бөхийн барилдааны долоогийн даваа Төв цэнгэлдэх хүрээлэнгийн зүлэг ногоон дэвжээнд болж өндөрлөлөө.

Улсын гарьд Б.Гончигдамба Улсын аварга Ч.Санжаадамбаар долоо давж, шөвгийн дөрөвт үлдсэн бол Улсын арслан Э.Оюунболд Улсын харцага цолны болзол хангаад байгаа Улсын начин Д.Анараар долоо давлаа.

Харин Улсын арслан Ц.Содномдорж өндөр арслан П.Бүрэнтөгсөөр долоо давсан бол Увс аймгийн хоёр аваргын Н.Батсуурь нь долоо давж шөвгөрлөө.