Чөлөөт бөхийн 2019 оны өсвөр үеийн Азийн аварга шалгаруулах тэмцээн долдугаар сарын 4-7-нд Казахстаны Нур-Султан хотод “Даулет” спорт цогцолборт болно. Хөвгүүдийн 21, охидын 18 дахь удаагийн тэмцээнд манай улсаас 19 тамирчин оролцоно.
Тодруулбал, хөвгүүдийн 45 кг-ын жинд Ц.Баярсайхан (Налайх), 48 кг-д Б.Олонбаатар (Баянхонгор), 51 кг-д Г.Энхням (Хасу-Мегастарс), 60 кг-д П.Мөнх-Эрдэнэ (Баянхонгор), 66 кг-д Б.Маргад-Эрдэнэ (Аварга), 71 кг-д А.Цэрэн-Очир, 80 кг-д Э.Уугангэрэл (хоёул Хэнтий), 92 кг-д Ц.Мөнхбаяр (Спортын төв сургууль), 110 кг-д М.Лхагважамц (Увс), охидын 40 кг-д М.Номин-Эрдэнэ (Спортын төв сургууль), 43 кг-д Г.Эрдэнэсүрэн (Өвөрхангай), 46 кг-д, Г.Оюундарь (Архангай), 49 кг-д М.Мөнхгэрэл, Б.Хулан (хоёул Женко), 57 кг-д Т.Алтжин (Спортын төв сургууль), 61 кг-д Б.Марал (Женко), 65 кг-д Б.Үүрийнтуяа (Сонгинохйрхан), 69 кг-д Д.Халиун (Хасу-Мегастарс), 73 кг-д Б.Дэлгэрцэцэг (Өмнөговь) нар зодоглох юм.
Дасгалжуулагчаар Н.Баатар, Э.Баттүшиг, Ё.Батдархан, Э.Батмөнх, Т.Амарбат, Б.Өсөхбаяр, шүүгчээр олон улсын хоёрдугаар зэргийн шүүгч С.Чинбат ажиллана.
