Туул гол руу бохироо цутгасан “Асем вилла” хотхоныг таван сая төгрөгөөр торгожээ

БАГШ, АЖИЛТНУУД ХООЛНЫ НЭМЭГДЭЛТЭЙ БОЛЛОО Явган хүний зам дээр байршуулсан тэмдэг, дулааны болон цэвэр бохирын тагыг нэг стандарттай болгох чиглэл өглөө Нөөцийн мах өнөөдрөөс худалдаалж эхэллээ Айл өрхүүдэд цахилгаан борлуулах тариф болон төлбөрийг тооцох аргачлал E-Mongolia дохион хэлмэрчтэй боллоо Гуравдугаар сарын 1-ээс эхлэн автобусанд хугацаатай картаар зорчих боломжгүй болно Н.Сувдмаа: Менингококкт халдвар 1-3 сар бүр цаашилбал 5 дугаар сар хүртэл үргэлжилдэг Ипотекийн зээлд хамрагдах хүсэлтэй иргэд дараах шалгуурыг хангах шаардлагатай Вьетнам улсын барилгын салбарын бизнес эрхлэгчдийн төлөөлөл “Улаанбаатар орон сууцжуулалт” ХХК-ийн үйл ажиллагаатай танилцлаа Чоно агнахад төлбөрөөс чөлөөлөх хуулийн зохицуулалтыг хэрэгжүүлж ажиллах чиглэл өглөө

Erdenetuya

2019-3-27

Туул гол руу бохироо цутгасан “Асем вилла” хотхоныг таван сая төгрөгөөр торгожээ

БЗД-ийн 11 дүгээр хорооны нутаг дэвсгэрт байрлах “Скай ресорт” болон “Асем Вилла” хотхоны бохирын шугам задарч, бохир нь хальж Туул гол руу цутгасан талаар өмнө нь мэдээлж байсан.

Тодруулбал, хоёрдугаар сарын 21, 22-ны өдрүүдэд “Асем Вилла” хотхоны цэвэр, бохирын шугамд гэмтэл гарч их хэмжээний ус алдаж, бохир нь Туул голтой нийлсэн байсан юм. Уг хотхонд одоогоор 53 айлтай бөгөөд анх дэд бүтцийн ажил хийхдээ төвийн шугамд холбогдсон байхаар зохицуулалт хийсэн юм байна. Гэтэл өнгөрсөн оны намраас тус газарт хөрсний усны бохирдол их байна гэх шалтгаанаар УСУГ-аас бохирын шугамыг хязгаарлажээ.

Дараа нь хотхоны бохирыг соруулах зохицуулалтыг хийсэн гэдэг. Улмаар төвийн шугамд холбох асуудлыг өвөл хийх байсан ч цаг уурын нөхцөл байдлаас шалтгаалан өдийг хүртэл холбоогүй байна. Учир нь тухайн холболтын ажлыг дулаан байхад хийвэл илүү үр дүнтэй байдаг гэжээ. Тухайн гэмтэл гарсан усны шугам нь зөвхөн “Асем Вилла” хотхоны шугам бөгөөд “Скай ресорт” цогцолбор нь тусдаа шугамд холбогдсон гэдгийг тус байгууллагын инженер тайлбарлажээ.

Тэгвэл Туул гол руу бохир нь цутгаж, агаар болон орчныг бохирдуулсан гэх асуудалд холбогдох байгууллагуудаас 5 сая төгрөгийн торгууль тавьж, зөрчлөө арилгахыг үүрэгджээ. Тансаг, үнэтэй зэрэглэлийн байранд амьдардаг айлуудад 5 сая төгрөг юу юм бэ. 5 сая төгрөгөөр бохирдсон усыг цэвэршүүлж болох уу. Нийтдээ 3-4 тэрбум төгрөгөөр зарагдсан уг хотхонд 53 айл амьдардаг аж.

ЖИРГЭХ ХУВААЛЦАХ

1 Сэтгэгдэл

Зочин

2019.04.03

Манай хариуцлагын тогтолцоо нэг иймэрхүү байгаагаас сахилга, хариуцлага, хууль зөрчих явдал тасрахгүй байгаа юм. Байгальд тийм их хохирол учируулчихаад 5 сая төгрөгөөр хохирлыг арилгуулж чадах уу? Үгүй шүү дээ. Туул голын бургасыг хядаж барилга барилаа. Зогсоох шийдвэр гаргасан боловч шүүхэд хандсан учир асуудлыг шийдэж чадахгүй барилга үргэлжлэн баригдсаар. Хотын дарга миний биш гэж байна. Түүнийх биш байж болно. Тэгвэл хэнийх юм бэ? гэдгийг тогтоочих хяналтын байгууллага алга гэж үү? Дархан цаазтай Богд ууланд хувийн орон сууц өчнөөнөөрөө баригдсан байгаа. Тэнд газрын зөвшөөрөл хэн нэг нь хахуул өгөөд ч юмуу авсан л байгаа. Жирийн иргэнд 500м/кав газар олдохгүй л байгаа шүү дээ. Одоо барьсан барилгыг нураалтай биш өндөр татвар авч жирийн иргэдийг орон сууцтай болгоход нь туслах хэрэгтэй мэт.