Улаанбаатар хотын 31 дэх Засаг дарга Э.Бат-Үүл өнөөдрөөс ажилдаа орлоо. Гэхдээ юунаас ажлаа эхлэх бол гэсэн хүлээлт НЗДТГ-т үүсэв. Учир нь, тэрээр өглөө ажилдаа ирээд өнөөг хүртэл өрөөнөөсөө хамраа цухуйлгахгүй сууж байгаа гэнэ. Албан бус эх сурвалжаар тэрээр нийслэлд өнгөрсөн болон ирээдүйд хийгдэх ажилтай танилцан завгүй суугаа гэлээ. Ямартай ч тэрээр хотод тулгамдаж буй олон асуудлыг шийдвэрлэхээр ханцуй шамлан орсон бололтой.