“Гэр хорооллыг орон сууцжуулах төсөл”-ийн нэгжийн гүйцэтгэх захирал н.Ганбаатарын хэлснээр “100 мянган айлын орон сууц” хөтөлбөрийн хүрээнд барилгажих Ногоон нуур, Рапио телевизийн хэрэг эрхлэх газрын орчим энэ онд дэд бүтцэд бүрэн холбогдох байсан. Гэвч хөрөнгө мөнгөнөөс гадна иргэдийн гомдол, шүүмжлэлээс болоод товлосон ондоо ашиглалтад бүрэн орж амжсангүй. Өөрөөр хэлбэл, төлөвлөгөөгөөр эл ажил 2012 онд гэхэд дуусч, барилгын компаниуд орон сууцаа сүндэрлүүлэн босгох учиртай. Гэвч орон сууц битгий хэл шугам сүлжээ нь бүрэн тавигдаагүй хэвээр “унтаа” байдалд шилжив.