Энэ сарын 13-ны 00.00 цаг хүртэл Байгалийн түүхийн музейн өмнөх уулзварыг хааж авто замын шинэчлэлтийн ажил хийхтэй уялдан, нийтийн тээврийн үйлчилгээний автобусны 11 чиглэлд дараах өөрчлөлт оржээ. Үүнд: М:5 “Баянхошуу-МУБИС”, М: 8 “Яармаг-МУБИС”, М:11 “Нисэх-МУБИС”, М:55 “Баянмонгол хороолол-Бага тойруу”, М:35 “Улаанхуаран – Тэнгис к/т – Мах импекс”, ХО:“Налайх-10 шар байр-Вокзал” чиглэлүүдийн автобуснууд зүүнээс баруун чиглэлд “МУИС” зогсоолоос “Их сургуулийн” болон “Бага тойруу”-гийн гудамжаар дамжин “Зоос гоёл”-ын уулзварт хүрч үндсэн чиглэлд орж явах ажээ. Түүнчлэн М:6а “Өнөр хороолол – Халдвартын эмнэлэг”, М:10 “Сансар хороолол – 3,4-р хороолол”, М:15 “Баруун салаа – МУИС – БЗД-ийн 6-р хороо”, М:21 “Халдвартын эмнэлэг – 3,4-р хороолол”, М:26 “СХД-ийн 26-р хороо – Их наран - МУБИС”, М:35 “Улаанхуаран – Тэнгис к/т – Мах импекс” чиглэлүүдийн автобуснууд баруунаас зүүн чиглэлд явахдаа “Зоос гоёл”-ын уулзвараас Бага тойруугийн гудамжаар дамжин явж МУИС-ын уулзвар хүрч үндсэн чиглэлээр явахыг Нийтийн тээврийн газраас анхаарууллаа.
