Зүүн дөрвөн замаас Офицерийн ордон хүртэлх зам дагуу цэцэрлэгийн модон хашааг хайр гамгүй буулгаж эхлэв. Өнгөрсөн жилийн хотын тохижилтын ажлын хүрээнд хийгдсэн эл хашааг юуны учир буулгаж буйг Баянзүрх дүүргийн хэвлэл мэдээллийн ажилтан н.Уянгаас тодруулахад ”Зам засварын ажлын хүрээнд буулгаж байгаа” хэмээв. Бодвол энэ нь Зүүн дөрвөн замаас Ботаникийн эцэс хүртэлх 4,5 км замыг засах гэж буйтай холбоотой бололтой. Гэхдээ хэзээ эхлэх нь тодорхойгүй зам засварын төлөө юунд яаран модон хашааг нь хайр гамгүй авсан юм бол доо.