Хятадын Зянзинь хотод амьдаар нь оршуулчихсан нярай хүүхдийг нохой аварсан байна гэж Sun хэвлэл мэдээллээ. “Нохой маань чанга чанга хуцаад газар самардаад байсан” гэж нохойн эзэн ярьжээ.

Тэр газраад нь дөхөөд очтол нүхэн дотор цагаан даавуугаар ороогоод хаячихсан хүүхэд арай ядан уйлагнаж байсан гэнэ. Хүүхдийг эмнэлэгт хүргэхэд зүрх нь тун тааруухан цолхилж, халуун нь эрс буурчихсан байжээ. Эмч нар хүүг төрөөд сар орчим л болж байгаа гэжээ.

Хүүхдээ нас барчихлаа хэмээн андуураад  оршуулчихсан байж болох эцэг эхийг нь хууль сахиулагчид хайж байгаа юм байна.