Н.БАТ
“Оросын гоо бүсгүй-2017” тэмцээний ялагчаар 21 настай Полина Попова тодорсон байна. Ялагч бүсгүй 3 сая рубль /120 сая төгрөг/, машин, Оросын улсыг “Дэлхийн гоо бүсгүй” болоод “Ертөнцийн сайхан бүсгүй” тэмцээнд төлөөлөх эрх авдаг. Свердовск мужийг төлөөлж оролцсон Полинагийн ард Москва хотоос оролцсон Ксения Александровна болон Башкир бүсгүй Альбина Ахтямова нар удаалжээ. Оросын гоо бүсгүй болсон Полина сэтгүүлч болох мөрөөдөлтэй, загвар өмсөгчөөр ажилладаг, уран зохиолын ном унших их дуртай гэнэ. Тэрээр интернэт санал асуулгаар хамгийн өндөр оноо авсан бөгөөд энэ үзүүлэлтээр түүнтэй дүйх өрсөлдөгч байгаагүй хэмээн шүүгчид хэлжээ.
Теннис тоглож, хятад хэл судалж, уран зохиолд шимтдэг Полина бүх дэлхийгээр аялахыг мөрөөддөг бөгөөд явсан газар бүрийнхээ тухай мэдээллийг өөрийн цахим хуудаст байршуулах дуртай гэнэ.
