-Аймагтаа 8 жил эх баригчаар ажиллачихаад гэнэт л хотод очиж амьдарья гэж шийдээд нөхөр, жаахан хүүхдийн хамт 2000 онд хотод нүүж ирсэн. 2002 оноос Le Bistro франц рестораныг анх нээгдэхэд нь туслах тогоочоор нөхрийн хамт ажилд орсон. Жил гаруй ажиллаад манай ресторан өөрсдөө нарийн боов хийх болоход Францаас уригдаж ирсэн тогооч нөхөр бид хоёрт нарийн боов хийхийг Франц тогооч маань тусгайлан зааж эхэлсэн. 

Ердөө 7 хон хоног заагаад л цааш нь өөрсдөө хийж сурахыг даалгасан. Кроссантыг тэнд л тэр Франц тогоочоор заалгаж хийсэн. Гэхдээ бас яг ингэж хийвэл ийм сайхан болох юм байна гэдгийг багштайгаа хамт их туршиж хийж байж жороо гаргаж авсан. Одоогоос 14 жилийн өмнө гэхээр манайд бол бас анхдагч Франц нарийн боов хийдэг газар болж байснаараа онцлог. Нарийн боовны яг тэр нарийн үндсийг тавьж өгсөн Франц багшдаа одоо талархаж явдаг. Тэр багш маань тэгээд л буцчихсан. Бодоод байхад нарийн боов хийнэ гэдэг бол үнэхээр миний сонирхол мөн байсан юм билээ, одоо энэ ажил минь надад их сайхан санагддаг. Ингээд л үүнээс хойш нарийн боовны тогоочоор тасралтгүй ажиллаж, хийж сурая гэсэн зүйлээ өөрөө л биеэ дааж их хийж сурсан.   

-Жижиг юм дээр л алдаад байгаа санагддаг. Листээ тослохгүй хийдэг ч юмуу галыг нь тааруулахгүй, зууралтыг нь хэтрүүлдэг ч юмуу тийм зүйл дээр л сайн анхаарвал болно. Ер нь тэгээд аливаа зүйлийг сайн хийхийн тулд олон дахин хийж туршиж байж л сурна. Тухайн тогтсон жорыг яг л зөв хийхгүй бол тэр амт гарахгүй. Сайхан шаргал улаан өнгө гаргахыг би бас эрхэмлэдэг. Миний хувьд бас нарийн боовыг сайхан шаргал улаан өнгөтэй, өнгөлөг хийхийг эрхэмлэдэг.

-Тэр бол яг үнэн шүү. Сэтгэл санаа тавгүй үед надад бас яг тэгэж санагддаг. Жаахан бухимдалтай, онцгүй үед хийхэд зуурмаг хөөхгүй ч юмуу эсвэл өнгө нь гоё болохгүй байх шиг санагддаг.