Н.БАТ
Оддын гэрэл зургийг хараад л бүсгүйчүүд маань юун түрүүнд турах тухай бодож, атаархаж эхэлдэг. Зуны улирал эхэлж байгаа учраас хэрвээ та турах тухай бодож, спорт заал руу гүйж буй бол юун түрүүнд амжилт хүсье.
Мөн 50 гарсан ч үзэсгэлэнтэй, гоолиг харагдаж чаддаг Холливудын оддын дэглэмийг хамтдаа сонирхоод үзье.
Жишээ нь, Шэрон Стоун өдгөө 59 настай ч усны хувцсыг бардам өмсдөг. Гоолиг бие нь өөрийн эрхгүй бүсгүйчүүдийн атаархлыг төрүүлж байсан юм. Хэрвээ түүний царайг хараагүй бол гуч гараагүй бүсгүй л гэж хэлэх байсан биз.
Үзэсгэлэнт Холли Бэрри өнгөрсөн жил 50 нас хүрсэн. Гэсэн ч 20 настай бүсгүй шиг хувцаслаж, бардам алхдаг. Та Шэрон, Холли нарыг тусгай бэлтгэн зураг авдаг хэмээн бодож байгаа бол Кортни Кокс, Синди Кроуфорд, Нэнси Шевелл нарыг 50 гарсан ч гоолиг биеэ хадгалж чадаж байгаа бүсгүйчүүд цөөнгүй бий.
Тиймээс танд ч ийм боломж бий. Тэд гоолиг биеэ хадгалахын тулд өөрийгөө хэрхэн арчилж чаддаг вэ?
Синди Кроуфорд: Өглөөний цайны өмнөх 75 минутын дасгал
51 настай супермоделийн гоолиг биеэ хадгалах дасгалууд аль 1980,1990 онд л бүсгүйчүүдийн дунд трэнд болдог байж. Тэр өнөөдөр ч долоо хоногт гурван удаа өглөө 08 цагаас 75 минутын турш дасгал хийдэг. Маш олон жилийн турш тэр жингээ барих гэж хоолны чанд дэглэм баримталж байв. 
Тэрээр 75 минутын дасгалаа дуусгаад зүрхний хэмээ хадгалахын тулд шатаар дээш доошоо гүйдэг гэнэ. Мөн өнөөдөр ч аль болох зөв хооллохыг хичээж, нийт хооллолтынхоо 80 хувьд нь дэглэм барьдаг. 
Тиймээс 50 гарсан ч гоолиг бие галбираа хадгалж чаддагийн нууц нь амьдралын турш баримталж ирсэн дасгал хөдөлгөөнөө зогсоолгүй үнэнч байж чадсанд нь оршдог аж.
Холли Бэрри: Уурагт коктейль ба дасгал
50 настай Холли Бэрри чихрийн шижин өвчтэй. Тиймээс хоолны нарийн дэглэм баримталж, хоолондоо зөвхөн байгалийн чихэр ашигладаг. 
Тэр талх, нарийн боовноос татгалзаж, ус их хэмжээгээр уудаг. 
Тэрээр зураг авалтын үед өөрийгөө эрч хүчтэй байлгахын тулд элдэв ногооны болон уургийн коктейль уудаг. Мөн өдөр бүр хагас цаг дасгал хийдэг. Ихэнхдээ түлхэлтийн болон сунгалтын дасгал хийдэг байна.
Шэрон Стоун: Угаалгын өрөөндөө ч хөлөө өргөдөг
59 настай жүжигчин маань дасгал хөдөлгөөний фэн хэвээрээ байгаа. Өдөр бүр би шинийг, шинэ дасгал хийхийг хичээдэг хэмээн тэр өөрөө хэлдэг. 
“Заримдаа хөлөө өргөөд агаарт дугуй хөдөлгөөнийг дүрсэлдэг. Үүнийгээ угаалын өрөөндөө ч хийдэг. Усны хүчийг арьс чангалахад ашигладаг” хэмээн тэрээр ярьсан байна. Америкийн алдарт оддын хичээллэдэг “24-Hour Fitness” сүлжээний үйлчлүүлэгч биш ч Шэрон өдөр бүр дасгал хийж, мах их иддэг. Тэр буудайгаар нэрдэг согтууруулах ундаанаас бүрэн татгалзсан.
Кортни Кокс: Байцаатай нөхөрлөдөг
Энгийн хүн хэрвээ хөлөө хугалсан бол спортоор хичээллэхээ зогсоох биз.Харин 52 настай Кортни Коксийн хувьд 2013 онд гараа хугалж, сойлттой явах үед нь дотны найз Женнифер Энистон нь түүнд гарынхаа булчинг хэвийн байлгахын тулд хувийн дасгалжуулагчтай болохыг зөвлөсөн байна.
Кортни 90 миунут заавал бүжгийн дасгал хийдэг. Тэр байнга гүйдэг байсан бол өдөө теннис тоглож, серфингээр аялж, йогоор хичээллэж, дугуй унадаг. Долоо хоногийн таван өдрийг спортоор хичээллэж, хэдийгээр залуу үе шигээ хоолны нарийн дэглэм баримталдаггүй ч байнга байцаа, бууцай, брокколи иддэг.
Деми Мур: Чинжүүтэй нимбэгний ундаа
Дэми Мур аль болох органик бүтээгдэхүүн идэхийг хичээж, ихэнх ногоогоо 58-аас дээш градусаар болгодоггүй. Ногооны шим тэжээлийг алдагдуулахгүй идэх ёстой гэж үздэг бөгөөд хоол боловсруулах эрхтэнээ аль болох цэвэр байлгах нь чухал гэдэг. Тэрээр нимбэгний шүүсэн халуун чинжүү хольж уух нь дотор гэдсийг цэвэрлэдэг гэж үздэг.
Лиз Херли: Хоосон ходоодтой унтах
Үзэсгэлэнт Лиз Хэрли хэзээ ч фитнес клубт явдаггүй. Гэхдээ нэг газраа удаан суух дургүй. Өдөр бүр нохойгоо дагуулаад гүйж, алхах дуртай. Жингээ барихын тулд ходоодныхоо өлсгөлөнг дарж халуун ус уудаг хэмээн өөрөө хэлдэг. Учир нь тэр хоосон ходоодтой орондоо орох ёстой гэж үздэг.
Биен дэх өөх тосоо хуримтлал болгон үлдээхгүйн тулд эрт хоол идэх ёстой гэдэг. Гэхдээ юу идэх хэрэгтэй вэ гэхээр үр тариа, хүнсний ногоо, загас, өөх тосгүй мах.
Эль Макферсон: Эрсдэлтэй спортын төрлүүд болоод далайн эргээр хөл нүцгэн явах
53 настай супермодель бүсгүй өнөөдөр ч эрсдэлтэй спортын төрлүүдээр хичээллэх дуртай. Серфинг, скейт, усны чарга зэргээр гулгах дуртай. Мөн усан спортоор хичээллэдэг. Эль загвар үзүүлэхээс энэ спортын төрлүүдээр хичээллэх нь илүү амархан гэж үздэг.
Майамид орших өөрийн эдлэнгийнхээ орчмоор элсэн дээгүүр хөл нүцгэн алхаж, шүлтлэг хоолноос аль болох татгалзаж, өөрийнхөө гэдсийг цэвэр байлгах ёстой гэдэг. Өдөрт заавал гурван литр ус уух ёстой. Мөн жимсний смути ууж байгаарай гэж зөвлөдөг.
Пола Маккартнигийн эхнэр Нэнси Шевелл: Ямар ч өдөр байсан заавал спорт зааландаа очих ёстой
Кристи Бринкли: Гэрийн дасгалжуулагч
“Өдөр бүр зуун удаа түлхэлтийн дасгал хийдэг. Энэ бол үнэхээр хөнгөхөн” хэмээн тэрээр хэлжээ. Мөн Бринкли гэрийн “Total Gym” системийн тууштай хэрэглэгч. Энэ нь сунгалтын дасгал хийхэд чухал гэж тэрээр үздэг. Цагаан хоолтон дотроо урт урт ногоог аль болох хүнсэндээ түлхий хэрэглэдэг.
