Италийн Болоньи хотын урлагийн түүх судлаач, зохиолч эмэгтэй Элиза Барбари хотынхоо төв талбайд байдаг Далай вангийн  баримлын зургийг өөрийнхөө Facebook хуудсанд оруулчихсан нь хэвлэлийн хяналттай тулгарч асуудал үүсчээ. Урлаг судлаач эртний бурхан Далай вангийн баримлын зургийг цэцэглэн хөгжиж байгаа хотын нь гол бэлгэ тэмдэг хэмээн сонгож сүлжээнд оруулсан юмсанж.

Харин сүлжээнийхэн үүнийг нь “хэт илэн далангуй тачаангуй зураг дүрс оруулахыг хориглоно” гэсэн дүрмийг зөрчсөн гэж үзэж уг зургийг сүлжээнээс авахыг шаардсан байна.
Урлаг судлаач энэ тухайд британийн The Telegraph сонинд “Далай ван уу. Энэ чинь солиотой явдал” гээд Facebook-ийн шаардлагад гомдож бүр дургүй хүрсэн гэжээ. Элиза Барбари бас “урлагийн бүтээлд хяналт тавьдаг болоо юу” гэж асуусан байна.

Үүнийхээ дараа урлаг судлаач Далай вангийн баримлын зургийг дахиин тавиад “Далай ванд хяналт байх ёсгүй” гэж бичжээ.

Дэлхий дахинд хэдийнээ танил болсон урлагийн бүтээлийг илэн далангүй, сексийн чиг хандлагатай хэмээн хянах гэсэн Facebook-ийн хандлага ганц энэ ч биш. Нэг жилийн өмнө данийн нийслэл Копенгаген хотноо байдаг Лусын дагинын баримдын зургийг сүлжээнийхэн бас блоколж байсан юм.