“Хар сарнай” хамтлагийн дуучин С.Амармандах “Жаргалтай Улаанбаатар” цэнгүүн дээр ОХУ-ын дипломат ажилтанд зодуулсан талаарх мэдээлэл хүмүүсийг хоёр талцуулж буй. Зарим нь Орос улстай харилцах харилцаандаа сэв суулгаж болохгүй гэсэн утгатай зүйл бичиж байгаа бол зарим нь нутагтаа байж зодууллаа гэх. Энэхүү болж өнгөрсөн хэрэг явдлын талаар хүн бүр янз бүрээр бичиж байгаа ч бид энэ удаад Чикаго хотод амьдарч байгаа яруу найрагч Х.Тэргэлийн бичсэнийг фэйсбүүк буландаа онцлон хүргэж байна. “Өрөөл бусдын биш өөрийнхөө газар шороон дээр харийн иргэнд зодуулчихаад яваа, бүүр олны танил эх оронч сайхан сэтгэлтэй, удам судраараа хийсэн бүтээсэнтэй нэгнээ хужаагийн эрлийз хохь нь, далчигнасан юм байдгийн больж ч гэж байх шиг. Бүр иймэрхүү муухай сэтгэгдлийг яруу найрагч гэж өөрийгөө нэрийдсэн нэгэн хүртэл бичсэн байсныг хараад гутрав. Үнэхээр л баталж чадсан эрлийз хурлийз нь үнэн юм бол харин ч бахдан биширч, сөгдмөөр юм байна.

Цээжээ дэлдсэн, худлаа ярьсан, зохиож бичсэн гурван үеийн түүхээсээ хэтрэхгүй МОНГОЛ гэх бидний дэргэд бүр илүү, илүү юм байна. Ийм эрлийз, хурлийз хүмүүс байдаг бол би хувьдаа бүгдийг нь хайрлан биширнэ. Ядаж л нулимсыг нь арчиж өгч чадахгүй бол нулимж зогсох Монгол хүн та юутай гутамшигтай вэ.
Атаархал, хорслоор хоол хийж идээд цаддаг юм болов уу, бид.

Харийн иргэдэд бүр эх орондоо оросуудад, хятадуудад, цаашлаад Солонгос, Америк, вьетнамчуудад зодуулчихаад, алуулчихаад, тахир дутуу болчихоод ах дүүгийн найрамдал гээд чимээгүйхэн бөхөлзөөд бид сурчихсан шүү дээ, угаасаа. Энэ удаагийнх бол ганцхан Амраагийн хэрэг, асуудал ч биш.  Нийт монгол хүн бүрийн эрх ашиг өөрийнхөө газар шороон дээр хэрхэн үнэгүйдэж буйн тод жишээ болж байна.

Зангидсан гар шиг байж монголчууд бид ямар их хүчтэй вэ гэдгээ дуу хоолойгоо нэгтгэн харуулах хэрэгтэй.
Эцэст нь хэлэхэд бид нэгнээ дэмжиж, өмгөөлж, хамгаалж чадвал .....
Бид бүгдийг бүтээнэ.-