Ерөнхий сайд асан Н.Алтанхуягийн хамгийн бага дүү Н.Нарантуяаг хилээр гарахыг хориглосон талаар манай сайт мэдээлсэн. Тэгвэл түүнийг өчигдөр орой 18.00 цагийн АТГ-аас баривчилж, ШШГЕГ-ын харьяа цагдан хорих 461 дүгээр ангид саатуулжээ.

Тодруулбал, АТГ-ын байцаагч н.Золжаргал цагдан хорих 461-р ангид 14 хоног саатуулах шүүгчийн захирамжийг уншиж танилцуулсан байна. Одоогоор ямар шалтгаанаар ийнхүү цагдан хорьсон нь тодорхойгүй байгаа юм.

Ерөнхий сайд асан Н.Алтанхуягийн эхнэр Э.Сэлэнгэд ч мөн энэ сарын 5-нд хилийн хориг тавьсан. Энэхүү үйлдлүүд нь Ерөнхий сайд асан Н.Алтанхуяг Ерөнхийлөгчид нэр дэвшихээ зарласнаас болсон гэж тэд үзэж байна.