УБЕГ-ын гадаадад зорчих эрхийн бүртгэлийн хэлтсийнхний ачаалал эрс өсчээ. Учир нь, зуны дэлгэр цаг эхэлж аялал жуулчлалын улирал эхэлснийг дагаад гадаад паспорт авах иргэдийн тоо өссөн гэнэ. Түүнчлэн Солонгос улсад хөдөлмөр эрхлэх иргэдийн бүртгэл ч эхэлсэн нь тус бүртгэлийн хэлтсийнхнийг завгүй болгосон бололтой. Тус газрын  Бүртгэлийн газрын орлогч дарга Г.Энхтайван “Ачаалал эрс өсч буйтай холбогдуулан бүрэн бүрэлдэхүүнээрээ ажиллаж байгаа. Манайх жилд дунджаар 200 мянган иргэнд гадаад паспорт олгодог” хэмээсэн. Ямартай ч өнөөдрийн байдлаар ачааллыг бууруулахын тулд Баянзүрх, Сонгинохайрхан, Баянгол, Чингэлтэй дүүргийн иргэний бүртгэлийн хэлтэс гадаад паспорт олгож байгаа юм байна.