БНХАУ-ын Санья хотноо үргэлжилж буй эх дэлхийн гоо бүсгүй шалгаруулах “Miss world-2015” тэмцээний “Talent show” өчигдөр болж өнгөрлөө. Дэлхийн миссийн тайзнаа эх орноо төлөөлж буй мисс Н.Ану эл шоуны нээлтийн ёслолд үндэсний хувцсаараа гоёж гоцлон бүжиглэсэн бөгөөд энэ тухайгаа өөрийн фэйсбүүк хуудсанд нийтэлжээ. Тэрээр “Шоуны нээлтэнд 130 орноос сонгогдон бүжиглэсэндээ туйлын баяртай байна. 
Үндэсний минь өв соёл дэлхийд гайхагдаж байна. Өмссөн хувцас маань төрийн далбааны өнгийг бэлгэдсэн байгааг та бүхэн анзаарсан байх. Торго салоны чадварлаг уран бүтээлчдийн ур ухаан, уран гараар бүтсэн эд. Мөн нээлтийн ёслолын бүжгийг дэглэсэн Төгсөө багшдаа баярлалаа. Миний бүжиглэсэн бүжиг өндөр үнэлгээ авч, хоёр дахь удаагаа шоуны нээлтэнд шалгарч байна. Үндэсний хувцсаараа гоёж, өв соёл болсон бүжгээ бүжиж байхдаа монгол хүн болж төрснөөрөө бахархаж, омогшиж байлаа” хэмээсэн байна.
