“Twins Film” студийн ээлжит уран бүтээл болох “Такси” уран сайхны кино энэ сарын 26-нд нээлтээ хийхээр болжээ. Монголын айл бүрт нэг бөө, нэг архичин байдаг гэх эмгэнэлтэй гэмээр үг биеллээ олох болсон нь Монголын нийгэмд архидалт тэр хэрээр их байгаагийн илрэл гэлтэй. Тэгвэл уг кинонд архи ууж, буруу замаар явж байгаад таксины жолооч болж өөрчлөгдөж буй залуугийн амьдралыг үзүүлэх гэнэ.
Тус киноны зохиолч, найруулагчаар Г.Дарханбаатар ажиллаж, ерөнхий продюсерээр нь түүний ихэр болох Г.Дарханбаяр, ерөнхий зураглаачаар “Fine Art” студийн зураглаач, найруулагч Д.Тэмүүлэн нар ажилласан байна. Харин гол дүрд жүжигчин Л.Сөрөлт, С.Баттулга, “Маск” продакшны жүжигчин Г.Чулуунцэцэг, жүжигчин С.Өлзийхүү, “ТВ коктейль” хамтлагийн жүжигчин А.Өнөржаргал нар тогложээ.