Б.СОНОР
"Дэлхийн мисс 2014" тэмцээнд эх орноо төлөөлөн амжилттай оролцсон Төрбатын Батцэцэгт Ливан улсын Бейрут хотноо ирэх сард болох гэж буй “Top model international 2015” тэмцээнд Монгол Улсаа төлөөлөн оролцох урилга ирсэн байна.
Тэрээр тус тэмцээнд топ модель Х.Бадамгэрэл, модель Э.Энхтүвшин, Б.Билгүүн нартай нэг баг болон оролцохоор болжээ. Тэрээр энэ талаараа “Тэмцээндээ бэлтгэж эхэлсэн. Зав муутай болохоор сайн бэлтгэж чадахгүй юм. Гэхдээ туршлагатай учраас сайн оролцоно гэж итгэж байгаа” хэмээн ярьсан.
Т.Батцэцэг 2012 онд “Манжуурын мисс” тэмцээнд оролцож тэргүүн миссээр тодорч байсан юм.
Түүний төрсөн өдөр удахгүй болох ч төрсөн өдрөө тийм ч сүр дуулиантай тэмдэглэдэггүй аж. Энэ жилийн төрсөн өдөр тэмдэглэхдээ зарцуулах гэж байсан мөнгөөрөө хичээлийн хэрэглэлээ бэлтгэх боломжгүй хүүхдүүдэд туслахаар болжээ.
