Шинэ төрлийн принтер болон олон үүрэг гүйцэтгэх “EcoTank” хэвлэлийн төхөөрөмж үйлдвэрлэх болсон тухайгаа “Epson” компани зарласан байна. Ийм төхөөрөмжийн тусламжтай хувилагч машиныхаа хорыг байнга солино гэсэн ойлголт алга болох юм. Шинэ төхөрөөмжинд “Supertank” гэх систем ашиглагдах бөгөөд бэх бүхий сав юм байна. Энэ бэхийг тогтмол цэнэглэх боломжтой учир шинэ хор худалдан авахад мөнгө зарах шаардлагагүй аж. “Supertank” нь 20 ширхэг хортой тэнцэх учир хэр идэвхтэй хэрэглэхээс хамаарч хоёр жил ажиллана хэмээн “Epson” компанид үзэж байна. 13 ам.долларын үнэтэй бэхээр цэнэглээд зогсохгүй, “EcoTank” хувилагчид гар утасны “Wi-Fi”-гаас удирдлага өгч хэвлэлт өгөх боломжтой гэнэ. Гэхдээ ийм хэвлэгч төхөөрөмж нь ердийн хэвлэгчтэй харьцуулахад үнэтэй. Мөн арчилгаа, үйлчилгээнд хэр хэмжээний хөрөнгө зарцуулах нь тодорхойгүй аж. Хэрэглээний “Expression ET-2500” загварыг 380 ам.доллараар худалдан авах боломжтой байдаг. Энэ төхөөрөмж сардаа 4000 ширхэг хар цагаан принт гаргаж, 6500 өнгөт материал гаргах хүчин чадалтай юм байна.
