Европ тивийн улс орнууд оролцдог “Eurovision” дууны уралдаанд энэ жил Австрали улс оролцохоор болжээ. Энэ онд 60 жилийн ой нь тохиож байгаа учраас зохион байгуулагчид нь баяраа дэлхий нийттэй хуваалцах үүднээс Европ тивээс алс хол орших Австралийн дуучныг оролцуулахаар шийдсэн байна.
Энэ жилийн “Eurovision” ирэх тавдугаар сарын 23-нд Австрийн Венад болох бөгөөд 40 орны хамтлаг, дуучид оролцох ажээ. Тэмцээнд зөвхөн Австралийн дуучин оролцоод зогсохгүй австраличууд ялагч тодруулах санал асуулгад ч оролцох гэнэ.
Хэдийгээр “Eurovision” буурал европынхны хооронд л болдог тэмцээн боловч австраличууд бүр 30 жилийн өмнөөс энэ шоуг шууд дамжуулан үзсээр ирсэн, хамгийн идэвхтэй үзэгчид юм байна. Тийм ч учраас 60 жилийн ойн тэмцээнд Австрали хүндтэйгээр уригдсан нь энэ аж.
