Орчин үед шинэ зүйлийн амьтан нээж олно гэдэг тун ховор тохиолддог зүйл. Иймд нээж чадсан судлаач гол төлөв өөрийнхөө нэрээр нэрлэдэг. Гэхдээ заримдаа судлаач нь нээсэн амьтанаа шүтэж явдаг од, алдартан эсвэл ном зохиолд гардаг дүр, үйл явдлын нэрээр нэрлэдэг.
1. Euglossa bazinga. Зөгийг "Их тэсрэлтийн онол" цувралын нэг дүр Шелдон Куперийн хэлэх дуртай үгээр нэрлэгджээ.
"Их тэсрэлтийн онол" цувралын гол баатруудын нэг Куперийн хэлэх дуртай Базинга! (Bazinga) гэдэг үг 2013 оноос хойш илүү өргөн хүрээнд хэрэглэгддэг болж нэгэн зүйл зөгийн нэр болжээ. Купер нь хэн нэгнээр тоглоом хийсэн, чадсан гэдгээ харуулахын тулд Базинга! (Bazinga) гэж хэлдэг. Бразилийн эуглоссин зөгий нь удаан хугацааны турш өөр зүйлтэй адил гэж харагдан эрдэмтэдийг төөрөгдөлд оруулдаг байсан тул ингэж нэрлэхээр шийдсэн гэж биологич Андрэ Немесио тайлбарлажээ.
2. Dendropsophus ozzyi. Оззи Осборны нэрээр нэрлэгдсэн мэлхий 
Шинэ зүйлийн мэлхий нээсэн эрдэмтэн Педро Пелосо нь "Би энэ мэлхийн вааглахыг сонсмогцоо шинэ зүйл гэдгийг нь ойлгосон. Түүнтэй адил авиаг би урьд нь хэзээ ч сонсож байгаагүй" гэсэн байна. Мэлхий нь онцгой төрлийн сацруулагчтай бөгөөд түүнээ ашиглан сарьсан багваахайтай адил авиа гаргадаг. Харин Оззи Осборн 1982 онд нэгэн тоглолтын үеэр тайзан дээр сарьсан багваахайн толгог тас хазаж байсан. Энэ тохиолдлыг санаад шинээр нээсэн мэлхийгээ дуулиан шуугианы эзэн, домогт Оззи Осборны нэрээр нэрлэхээр шийдсэн байна.
3. Aleiodes shakirae. Бүжиг хийж байгаа мэт хөдөлгөөн хийлгүүлдэг авгалдайнаас болж Шакирагийн нэрийг авсан шинэ зүйлд багтах шар зөгий
Шар зөгий нь авгайлдааг хорхой дотор хатгаж гаргадаг. Авгалдай нь тээж яваа хорхойгоо амьдаар нь дотроос нь идсээр бойждог. Aleiodes shakirae нь тээгч өтөө чичрүүлэн ганхуулж хөдөлгөдөг.Үүнийг олж харсан эрдэмтэд хорхойн хөдөлгөөнийг дуучин Шакирагийн хийдэг хөдөлгөөнтэй адил гэж үзээд нэрээр нь нэрлэжээ.
4. Agra schwarzeneggeri. Арнольд Шварценеггер шиг хоёр толгойт булчинтай цох
2002 онд нээгдсэн өтөгний цохны эрэгчингүүдийн хөлийн дунд үе нь хоёр алдарт жүжигчний хоёр толгойтыг санагдуулсан том байжээ. Иймд нээсэн эрдэмтэд нь түүнийг жүжигчний нэрээр Agra schwarzeneggeri гэж нэрлэжээ.
5. Bumba lennoni. Жон Ленноны нэрээр нэрлэгдсэн цох
Энэ аалзыг нээсэн эрдэмтэн Фернандо Перес-Майлс анх шүтдэг хамтлагынхаа нэрээр нэрлэх гэж байжээ. Тэгээд ч "Битлз" гэдэг нь өөрөө цох, цох аалз хоёр онц ялгаа байхгүй. Гэвч өдөр болгон шинэ цох, аалз нээгээд байдаггүйг харгалзан үзээд өөрийн хамгийн их шүтдэг хүн Жонн Леноны нэрээр нэрлэсэн байна. Bumba lennoni нь шувуу баригч аалзын төрөлд багтдаг, 3 см орчим том аалз.
6. Jaggermeryx naida. Алдарт рокерын нэрээр нэрлэгдсэн чулуужсан усны үхэр
Мик Жагер дэлхийн хамгийн нэртэй дуучдын тоонд зүй ёсоор багтана. 19 сая жилийн өмнө намагт амьдарч байсан балар эртний энэ усны үхрийн эрүүлийн ясыг эрдэмтэд олсон байна. Олсон ясаа судлах явцад доод уруул нь маш том байсныг тогтоосон тул Мик Жаггерийн нэрээр нэрлэхээр шийдсэн аж. Jaggermeryx naida гэсэн латин нэрийг орчуулбал Жаггерийн лусын дагина юм байна.
7. Yoda purpurata. Йода багшийн нэр авсан гүн усны өт
2012 онд судлаачид нэгэн төрлийн гүн усны өт нээж илрүүлжээ. Энэ өтийг Атлантын далайгаас 2,5 км-ийн гүнээс илрүүлсэн байна. Харагдал байдал нь "Оддын дайн"-ы Йода багштай адил байсан тул ийм нэр авч. Зураг дээр Йодагийн чихтэй адил харагдаад байгаа зүйл нь үнэн хэрэг дээрээ гүнийн өтний уруул нь.
8. Aegista diversifamilia. Ижил хүйстэн хоорондын гэрлэлтийг батлахын төлөө нэрлэгдсэн дун
Энэ дунг нээсэн Тайваны эрдэмтэдийг судалгаа явуулж байх үед ижил хүйстнүүд хоорондын гэрлэлтийг хуульчлан батлах үгүй талаар маргаан ид явж байжээ. иймд эрдэмтэд ижил хүйстнүүдийн эрхийг дэмжихийн тулд "diversifamilia" гэсэн нэр өгчээ. Тэгээд ч энэ дун нь гермафродит. Өөрөөр хэлбэл үржлийн эр ба эм бэлиг эрхтэнийг давхар агуулж байдаг, үржилд орохын тулд эрэгчин эсвэл эмэгчин өөр дун шаардлагагүй.
9. Ampulex dementor. Гарри Поттерийн ертөнцийн аймшигтай чөтгөрийн нэрийг авсан шар зөгий
Азиас саяхан нээгдсэн энэ шар зөгийг Жоан Роулингийн бичсэн Гарри Поттерийн тухай цувралд гардаг дементор нэртэй сүнс сордог хий үзэгдлийн нэрээр нэрлэжээ. Энэ шар зогий нь жоомыг ангуучилдаг бөгөөд онцгой хөдөлгөөн хий ангаа огт хөдөлгөөнгүй болгодог чадвартай аж.Хөдөлгөөнгүй болгосон жоомны биед өндөгөөр гаргаад орхидог. Өндөг хөдөлгөөнгүй болгосон жоомыг дотроос нь идэж бойждог.
10. Eoperipatus totoros.Тоторо (Totoro) -ийн нэрээр хэрлэгдсэн хилэн хорхой
Хилэн хорхой халуун орны ой модонд амьдардаг. Энэ төрлийн саяхан нээсэн бөгөөд "Миний хөрш Тоторо" хүүхэлдэйн кинонд гардаг Мууран автобус буюу CatBus-ын нэрээр нэрэлэжээ. Эдгээр хорхой нь үнэн хэрэг дээрээ өт ч биш, шавь ч биш, жаран хөлт ч биш, нялцгай биет ч биш. Генийн судалгаан явуулаад шавьжтай адил төрлийн амьтан гэдгийг тогтоосон байна. Өөрөөр хэлбэл шавьж ба хэлэн хорхой хоёр нь хэн нь ч хэнээсээ үүсээгүй, гэхдээ адил төстэй бөгөөд хоёул нэг өөр амьтанаас үүссэн юм байна.
