Арван жилийн өмнө Унгарт суралцаж, амьдрахаар гарсан монгол залуу хаа ч чамлагдахааргүй каскадер болж Унгартаа төдийгүй Холливуд болон өрнөдийн олон кинонд мэргэжлийнхээ чадварыг харуулжээ.

Наранцогтын Цогтсайхан нь Унгарын нийслэл Будапештэт амьдардаг. Каскадер мэргэжилтэй бөгөөд Будапешт хотноо байдаг Унгарын каскадеруудын академид суралцдаг. Ур чадвар нь нэмэгдсэн тул зарим кинонд осол эрсдэлтэй үзэгдлийн зургийг авах дээр жүжигчдийг орлоод зогсохгүй жижиг дүрд тоглодог болсон байна.

Тэрээр "Hellboy, "Мonte carlo, "Eragon" зэрэг Холливудын 12 кинонд каскадероор оролцсон "47 Ronin" кинонд самурайн дүрд тогложээ.

Цаашлаад Их Британийн "Дракула", Өмнөд Солонгосын "I.R.I.S" зэрэг кинонд тоглосон. Английн "Strike back" цувралд Хойд Солонгосын цэргийн дүрийг бүтээж. Харин "Spectral"-д жүжигчин Луи Озавагийн орлон тоглогчоор ажилласан байна.

Ирэх жилээс Цогтсайханы оролцсон "Spy", "Fallen" и  "Аmerican girl" зэрэг кино дэлгэцнээ гарах аж. Бидний нэг ийнхүү амжилттай явж байгаа нь тун баярлан бахдууштай хэрэг гэдэгт бүгд санал нийлэх байх.