Францын Ерөнхийлөгч асан Николь Саркози 2017 оны сонгуульд нэр дэвших замаа засч эхэлжээ. Тэрээр сөрөг хүчний UMP намын даргаар сонгогдсон байна. Н.Саркози намын даргын сонгуульд өрсөлдөөд 64,5 хувийн саналаар сонгогджээ.
Хэдийгээр Ерөнхийлөгч Франсуа Олландын нэр хүнд олон нийтийн дунд хангалттай муу байгаа ч UMP нам хүчтэй сөрөг хүчин байж чадахгүй байгаа юм. Н.Саркози 2004 онд тус намын даргаар сонгогдоод, 2007 оны сонгуульд нэр дэвшин ялалт байгуулсан билээ. Тэр үед Н.Саркози нам дотроо 85 хувийн рейтингээр дарга болж байсан бол энэ удаа 70 хувь ч хүрсэнгүй. Тиймээс энэ нь Н.Сарзозийн хувьд улс төрд дуулиан шуугиантайгаар эргэн ирэх гэсэн төлөвлөгөөг нь нураасан хэрэг боллоо гэж хэвлэлүүд бичиж байна.
Гэсэн хэдий ч намын дарга болсон нь Ерөнхийлөгчийн сонгуульд нэр дэвшихэд маш том алхам болно гэж ажиглагчид үзэж байна. 2017 оны сонгуульд хэнийг нэр дэвшүүлэхээ UMP нам хоёр жилийн дараа шийдэх юм. Хэвлэлүүдийн таамаглаж байгаагаар экс Ерөнхий сайд Ален Жюппе, Франсуа Филлон нар UMP намаас нэр дэвших бодолтой байгаа гэнэ.
