Хүйтний улирал эхэлж байгаатай холбогдуулан гал түймрийн тоо, хохирол ихэсч байгаа учраас ард иргэддээ сонор сэрэмжтэй байж гал түймрийн аюулаас урьдчилан сэргийлэхийг Онцгой байдлын газраас сэрэмжлүүлж байна. Тухайлбал, Баянгол дүүргийн хэмжээнд энэ оны эхний арван сарын байдлаар 327 удаагийн гал түймрийн дуудлага ирснээс 172 нь зөвхөн ил задгай хаясан хог, хогийн суваг, траншейн, орц хонгилд гарсан гал түймэр байна. Түүнчлэн иргэд, аж ахуйн нэгж байгууллагын ил задгай хог, хогийн суваг зэрэгт гарч байгаа галыг Хороо, сууц өмчлөгчдийн холбоо, иргэд, эко эргүүлүүд өөрсдийн нөөц бололцоондоо тулгуурлан гал унтраах анхан шатны багаж хэрэгсэл ашиглан аюулгүй болгох шаардлагатай гэдгийг Баянгол дүүргийн онцгой байдлын хэлтсээс сэрэмжлүүлж байна.
