Хятадын Хенан мужийн Пунян хотын худалдааны төв гудамжинд гэгээн цагаан өдрөөр дөрвөн эмэгтэй бүлэглэн нэг эмэгтэйг зэрлэгээр зодож танхайран, олны өмнө хувцсыг нь тайлж нүцгэлсэн хэрэг дахиад л гарлаа. Өмнө нь үүнтэй адил хоёр ч явдал гарч, хэвлэл мэдээллийн хэрэгслээр шуугиан тарьж байсан юм. Эдгээр хэргийн хохирогчид нь бүгд бусдын нөхөр, найз залуутай нууцаар амраглаж байгаад баригдсан бүсгүйчүүд байгаа юм. Харин нөхөртөө, найз залуудаа хууртсан эмэгтэйчүүд гэр бүлийн хүнтэйгээ ярилцаж, тэднээс бурууг эрэхийн оронд нууц амрагийг нь олны нүдэн дээр шившиглэх явдал сүүлийн үед олон гарах болжээ. Зураг дээрх бүсгүйг ийнхүү балмадаар зодож, гутаан доромжилж байхад нь гудамжинд зөрж өнгөрөх хүмүүсийн хэн нь ч зогсоож, болиулахгүй байсан бөгөөд харин ч гэр бүлийн иймэрхүү маргаанд оролцолгүй орхих нь зөв гэж хятадуудын ихэнх нь үздэг хэмээн хэвлэлд бичжээ. Харин дээрх бүсгүйн хувьд зодуулсныхаа дараа гудамжинд ухаангүй шахам байхад нь нэг эрэгтэй түргэн тусламж дуудаж, эмнэлэгт хүргэсэн бөгөөд тэрээр биедээ багагүй гэмтэл авснаас гадна сэтгэлзүйн шоконд орсон байжээ. 
