АНУ-ын Ерөнхийлөгч асан Билл Клинтоны ганц охин Челси өчигдөр буюу 26-ны бямба гарагт амаржиж, охинтой болжээ. Үүгээр экс Ерөнхийлөгч Билл Клинтон насандаа 68 насандаа өвөө болж буй бол экс төрийн нарийн бичгийн дарга Хиллари Клинтон 67 насандаа эмээ болж байна. Харин тэднийг ганц охин Челси 34 насандаа ээж болж байгаа юм. Тэдний гэр бүл бяцхан охиндоо Шарлот гэдэг нэр хайрласан бөгөөд Шарлот Клинтон Мезвински гэж албан ёсоор нэрлэх юм байна.
Аав нь АНУ-ын Ерөнхийлөгчөөр хоёр бүрэн эрхийн хугацаанд ажиллах хооронд олны нүдний өмнө өсч том болсон Челси Клинтон Стэнфорд, Колумбиагийн их сургуулийг төгсч, Оксфордод докторын зэрэг хамгаалсан өндөр боловсролтой эмэгтэй. 2010 онд санхүүгийн мэргэжилтэн Марк Мезвинскитэй гэрлэсэн тэрээр аав ээжтэйгээ хамтран байгуулсан санг удирдахаас гадна саяхныг хүртэл "NBC news"-ийн тусгай сурвалжлагчаар ажиллаж байсан билээ.
Анхны зээгээ харж, баяр хөөртөө умбасан эмээ өвөө хоёр нь чухал уулзалтуудаа хүртэл цуцалсан байна. 2016 оны Ерөнхийлөгчийн сонгуульд нэр дэвших өндөр магадлалтай байгаа Хиллари Клинтон гэр бүлийнх нь хувьд хамгийн чухал үйл явдал болох бяцхан зээгээ хүлээж авч, эмээ болсны дараа сонгуульд өрсөлдөх эсэхээ шийднэ хэмээн мэдэгдсэн удаатай. 
