Америкийн 50 муж улсын 29 нь АНУ-ын бүрэлдхүүүнээс гарахыг хүсч байна гэсэн дуулиант мэдээллийг оросын НТВ телевизийн хөтлөгч  энэ сарын 22-ны нэвтрүүлгээрээ дамжууллаа. “Анатомия дня” хөтөлбөрийн хөтлөгч “Америкийн 50 муж улсын 29 нь АНУ-ын бүрэлдхүүнээс гарахыг хүсч байгаа тухай энэ дуулиант мэдээлэл АНУ-аас ирлээ. Цагаан ордонд  хэдийнээ  очоод байгаа энэ саналд 350 мянган хүн гарын үсэг зуржээ” гэж ярьсан байна. Тэр бас мужуудаас Техас, Луизиана хамгийн ихээр тусгаар тогтнохыг хүсч байгаа юм байна. Гэхдээ  улстөрчдийн үзэж байгаагаар бол Обамагийн засаг захиргаа үүнийг зүгээр нэг хүлээж авахгүй байх. Энэ явдал яаж өрнөхийг харж л байя” гэжээ.

Хоёр жилийн өмнө америкийн 29 муж улс бүрэлдхүүнээс гарна гэж байна хэмээн “Эксперт” сэтгүүл 2012 оны арваннэгдүгээр сарын 14-ний дугаартаа бичиж байсан юм. Энэ хэвлэлийн бичсэнээр бол ийм саналыг Цагаан ордны  Төрийн удирдлагын шинэчлэл”  гэсэн хэсгийн  “Бид, ард түмэн” (We The People) нийтлэлд бичсэн байжээ.

АНУ-ын бүрэлдхүүнээс гарч тусгаар тогтнох саналыг Техас, Нью-Йорк, Нью-Джерси, Умард ба өмнөд  Каролин, Алабама, Жорди, Флорида, Индиана, Мичиган, Теннесси, Луизиана, Кентукки, Арканзас, Колорадо, Умард Дакот, Орегон, Миссисипи, Миссури ба Монтана мужийн иргэд гаргаж байгаа гэнэ. . Үүний дараа бас  Аляск, Дэлавер, Калифорни, Оклахома, Аризона, Невада, Пенсильвани, Огайо болон Вайомингийн иргэд ч нэгдсэн гэнэ. 

НТВ телевиз яагаад ийм мэдээлэл цацах болсныг таах аргагүй. Украинд болж байгаа үйл явдал, Шотландад болсон тусгаар тогтнолын талаарх бүх нийтийн санал асуулга, Каталонид тусгаар тогтнох тухай санал асуулга болох магадлалтай ч холбоотой байж мэдэх юм. Энэ бүхнийг далимдуулаад АНУ-г тарж бутраасай гэсэн хэдийнээ хүслээ хэлчих гэсэн бодол хэн нэгэнд байхыг ч үгүйсгэхгүй юм.