Бүсгүйчүүдийн олон нийтийн газарт гоо сайхан харагдахад нэг чухал зүйл нь  гутал гэдэгтэй хэн ч маргахгүй биз ээ. Мэдээж ийм арга хэмжээнд тэд өндөр өсгийт л өмсч очдог. Тэгэхээр эмэгтэйчүүд шинэлэг загвартай, сайхан гуталтай очихыг л эрхэмлэдэг.
Тэгэхээр тэд гутал худалдан авахдаа хэр сайхан харагдаж байна, шинэ загварынх уу гээд олон зүйлийг харгалзана. Олон сайхан гуталтай байхыг эрхэмлэж цуглуулдаг, нэг гутлыг олон дахин өмсдөггүй хүн ч бий. Гутлыг эрхэмлэдэг Селин Дион гэхэд л цуглуулгадаа 3000 хос туфльтэй гээд бод доо.
Сайхан гутал гэдэг үнэлж баршгүй, эмэгтэйчүүд үнэ хайрлахгүй авахад бэлэн байдаг. Манай гаригийн хамгийн үнэтэй 10 өндөр өсгийт энэ байна.

10. Borgezie "Eternal Diamond”  216 мянган доллар

Гоёл чимэглэлийн Боргозе урланг 20 жилийн өмнө нэрт загвар зохион бүтээгч Кристофер Майкл Шеллис үндэслэсэн. Их Британид байдаг энэ салон хэрэглэгчиддээ хамгийн тансаг, хамгийн үнэтэй цүнх, гутал санал болгодог. Эдний нэг бүтээгдхүүн "Eternal Diamond”  өндөр өсгийт 30 карат жинтэй  2200 ширхэг алмааз эрдэнээр чимэглэсэн, 1000 жилийн баталгаатай. Энэ гутлыг бүтээх гэж бүтэн гурван жил зарцуулсан гэдэг.

9.    "Diamond Princess Constellation” 331 450 доллар

Кристофер Шеллис "Eternal Diamond”-ыг бүтээснээсээ хойш дөрвөн жилийн дараа дахиад "Diamond Princess Constellation” гутлаар шинэ бэлэг барьсан. Энэ гутлыг 1290 ширхэг алмааз, 18 карат алт, орсон байна. Хэрэглэгч цагаан алтыг сонгон хийлгэж бас болно. Энэ гутлыг үйлдвэрлэхэд харин багахан хугацаа, гурван долоо хоног л хангалттай байж.

8.    Стюарта Вайцмана "Diamond Dream” 500 мянган доллар

Гутлын нэрт загвар зохион бүтээгч Стюарт Вайцман гоёл чимэглэлийн Kwiat салонтой хамтарч ийм гутал хийх мөрөөдлөө биелүүлсэн гэдэг. Вайцманы үгээр бол энэ гутал жинхэнэ хатан хааны гутал гэнэ. Цэвэр мөнгөөр урласан хоёр нарийн бүслүүртэй энэ гутал 2007 оны Оскарын шагнал гардуулах ёслолын үеэр “Мөрөөдлийн бүсгүй” кинонд тоглосон жүжигчин Аники Нони Роуз өмсөн улаан хивсэн дээр гарч ирсэн.

7. "Retro Rose” Нэг сая доллар

Энэ бол уг нь 1940 оны нэрд гарсан “Т-strap гэдэг загвар. Гутал тус бүрийг 100 зарат жин дарах 1800 алмааз эрдэнээр чимсэн. Стюарт Вайцманы бүтээл энэ өндөр өсгийтийг 2008 онд “Жуно” киноны найруулагч Диабло Коди өмссөн.

6. “Мэрилин Монро” шаахай нэг сая доллар

Вайцманы бас нэг загвар энэ гутал тансаг даавуун сарнайг Swarovski-ийн талстуудаар чимэглэсэн. Үүнд зүгээр ч нэг “Мерилин Монро” нэр өгөөгүй, жүжигчин бүсгүй Swarovski-ийн талстуудаар хийсэн ээмэгтэй  байсан хэрэг. Энэ гутлыг Оскарын шагналд  нэр дэвшсэн “Гэгээ” киноны  жүжигчин Режина Кинг өмссөн. Ёслолын дараа яг ижлийг нь дуудлага худалдаагаар зарахад нэг сая долларын үнэ хүрсэн.

5. "Platinum Guild” Нэг сая 90 мянган доллар

Вайцман дараагийнхаа "Platinum Guild” нэртэй тансаг өндөр өсгийтийг 464 ширхэг Kwiat  алмаазаар чимэглэснийг “Малхолланд Драв” киноны жүжигчин Лора Харринг Оскарын шагнал гардуулах ёслол дээр өмссөн.

4. "Ruby Slippers” 1,6 сая доллар

Цэвэр цагаан алтаар урлаж, улаан хамбааар гадарласан энэ тансаг гутлыг Вайцман бирмийн 642 ширхэг маш ховор рубинээр чимэглэсэн нь тус бүр 123,33 карат жинтэй. 2003 оны Оскарын шагнал гардуулах ёслолын үеэр нийтэд үзүүлэх гэж байсан ч Ойрхи Дорнодод эхэлсэн дайнаас болоод амжаагүй гэдэг.

3. "Cinderella Slippers” Хоёр сая доллар

Үлгэрт гардаг Үнсгэлжингийн жинхэнэ  болор шаахайг хийх санаа алдарт Вайцманд төрж нийтдээ 55 каратын жиндарах 565 алмаазаар чимэглэн урласан. Баруун хөлийн шаахайд нь нэг сая долларын үнэ бүхий Амаретто алмааз шигтгэсэн. Гутлыг цагаан алтаар бүрхсэн итали ширээр урласныг 2004 онд Оскарын шагнал гардуулах ёслолын үеэр дуучин Элисон Краусс өмссөн.

2. "Tanzanite” Хоёр сая доллар

Энэ гайхамшигт гутлыг өөр хэн ч биш мөн л Стюарт Вайцман л урласан. Африкаас гаралтай үнэт чулуунуудаар чимэглэсэн энэ гутлын доод бүслүүрийг 28 каратын алмаазаар гоёжээ.

1.    «Рита Хейворт» Гурван сая доллар

Хамгийн өндөр үнэтэй тансаг гутлын тэргүүн байранд 40-өөд оны кино одуудын өмсдөг байсан загварын «Рита Хейворт» орж байна. Левиан, Вацман хоёрын бүтээлийг олон тооны алмааз, рубин, сапфираар чимэглэсэн. Жүжигчин дуучин Кэтлин Йорк энэ гутлыг 2006 оны Academy Awards-ын шагнал гардуулах үеэр өмссөн. Одоо Хейвортын охин , гүнж Ясмин Ага Хан эзэмшиж байгаа.